Azərbaycan Respublikası Ciu-Citsu Federasiyası

Morihey Ueşiba
1998-ci ildə əməkdar məşqçi Mir-Əli Seyidovun rəhbərliyi altında bir sıra mütəxəssislər tərəfindən Azərbaycan Ciu-Citsu Federasiyası yaradılıb. 20 Aprel 2002-ci ildən etibarən, Azərbaycan Ciu-Citsu Federasiyası, Beynəlxalq Ciu-Citsu Federasiyası (JJIF – Jiu Jitsu İnternational Federation) üzvlüyünə qəbul edilmişdir. Ardından isə, Azərbaycan Ciu Citsu Federasiyası 2004-cü ildə Beynəlxalq Döyüş Sənətləri Assosiasiyası (IAMI), Beynəlxalq Polis Özünü Mühafizə Təşkilatı (IO PSD) və Beynəlxalq Bujitsu Cəmiyyəti (WBJS) kimi təşkilatların rəsmi təmsilçilik hüququnu əldə etdi. 
Azərbaycan Ciu-Citsu Federasiyası öz fəaliyyətində Olimpiya və idman hərəkatının prinsiplərinə riayət edir, eləcə də dövlət qurumları, ictimai qurumlar, idman təşkilatları və assosiasiyaları ilə sıx, qarşılıqlı əməkdaşlıq edə bilər və həmin qurumların və assosiasiyaların üzvü ola bilər. Bu, mövcud qanunvericiliyə və Federasiyanın Nizamnaməsinə zidd deyil.
Azərbaycan Ciu-Citsu Federasiyasının öz vəzifələrini yerinə yetirmək üçün digər müəssisələrin, təşkilatların və ictimai birliklərin təsisçisi olmaq hüququ vardır. Federasiya, Azərbaycan Ciu-Citsu Federasiyası, Azərbaycan Respublikasının mövcud qanunvericiliyinə müvafiq olaraq, qeydə alınmış hüquqi şəxsdir.
Federasiyanın baş qərargahı Bakı şəhəri Aga-Neymatulla küçəsi, 55/31 ünvanında yerləşir. İdmançı və hüquq-mühafizə orqanlarının əməkdaşları üçün əsas və dəstəkləyici mərkəz Daxili İşlər Nazirliyinin (əvvəllər DİNAMO) idman cəmiyyətidir. Gələcək təlimatçılar və məşqçilərin hazırlanması, Azərbaycan Respublikası Bədən Tərbiyəsi və İdman Akademiyasında keçirilir. 
Azərbaycan Ciu-Citsu Federasiyasının Məşvərət Şurası, Əməkdar məşqçi Mir-Əli Seyidovun (7-cı Dan Karate-Do, 8-ci Dan Ciu-Citsu) rəhbərliyi altında, federasiyanın və Bakı Şəhər Gənclər və İdman Baş İdarəsi ilə birgə təşkil etdiyi beynəlxalq seminarlarda təlim keçmiş yüksək ixtisaslı məşqçilər və təlimatçılardan ibarətdir.